6 Fevral 2023, 10:45

Karate üzrə yeniyetmə və gənclərin Avropa çempionatında işirak edən milli komandamız 3 qızıl, 1 gümüş, 2 bürünc medal qazanıblar.

Bu barədə Azərbaycan Milli Karate Federasiyasının mətbuat xidməti məlumat yayıb. Kiprin Larnaka şəhərində keçirilmiş turnirdə Aysu Əliyeva (59 kq) 16-17 yaşlı qız, Fərid Savadov (55 kq) oğlanlar, Əminağa Quliyev isə (60 kq) 21 yaşadək gənclər arasında Avropa çempionu olub. Gülay Orucova 14-15 yaşlı yeniyetmələrin mübarizəsində gümüş, eləcə də Rahim Əzim (70+) eyni yaş qrupunda, Hüseyn Məmmədli isə 21 yaşadək gənclərin yarışında bürünc medala sahib çıxıb.

Salman Salmanov (kata) 14-15 yaşlı yeniyetmələrdə, Fatima Məmmədova (-47 kq) isə onunla eyni yaş qrupunda kumite yarışlarının bürünc mükafatını əldən verib. Bu nəticə ilə Azərbaycan ümumi komanda hesabında 4-cü yeri tutub. 3 yaş qrupu üzrə 50-ci qitə çempionatında 48 ölkədən 1114 karateçi iştirak edib.