Berdiyev: "Belə şeylərə fikir vermirəm"
"Turan Tovuz" Premyer Liqanın XVI turunda səfərdə "Kəpəz"i 2:0 hesabı ilə məğlub edib.
Sportlife.az xəbər verir ki, qonaqların baş məşqçisi Kurban Berdiyev matçdan sonra keçirilən mətbuat konfransında jurnalistlərin suallarını cavablandırıb.
- İlin sonuncu oyunu idi. Uşaqlar məsuliyyəti dərk edirdilər. Zədə səbəbindən həyətdə itkilər var idi. Bəzi futbolçular öz mövqelərində oynamırdı. Vacib qələbəyə görə onlara təşəkkürümü bildirirəm.
- Ötən matçdan sonra azarkeşlər sizin ünvanınıza istefa şüarları səsləndirdilər. Bu gün təzyiq hiss edirdiniz?
- Xeyr. Mən təcrübəli məşqçiyəm. Belə şeylərə fikir vermirəm.
- Azərbaycan mətbuatını izləyirsiniz?
- Rusiyada olanda da mətbuatda yazılanları oxumurdum. Mən yalnız öz işimə köklənirəm.
- Qış təlim-məşq toplanışının planları qurulub?
- 4-18 yanvar tarixləri arasında Türkiyədə toplanış keçəcəyik. Ayın 10-u və 17-si yoxlama oyunlarımız olacaq.
