"Qarabağ"ın rəqibi xal itirdi
"Benfika" Portuqaliya çempionatının 4-cü turunun “Santa Klara” ilə oyununda xal itirib.
Sportlife.az xəbər verir ki, qarşılaşma 1:1 hesablı bərabərliklə başa çatıb.
Hesabı 59-cu dəqiqədə “Benfika” açıb, Vangelis Pavlidis fərqlənib. “Santa Klara” 90+3-cü dəqiqədə Vinisius Lopesin dəqiq zərbəsindən sonra hesabı bərabərləşdirib.
Qonaqlar 53-cü dəqiqədən etibarən meydanda azlıqda mübarizə aparıb.
Bu, “Benfika” üçün cari mövsümdə ilk xal itkisi olub.
Qeyd edək ki, "Benfika" sentyabrın 16-da Çempionlar Liqasının əsas mərhələsinin ilk turunda "Qarabağ"ı qəbul edəcək.
Paylaş:
