“Bu səs-küy “Real”ı sevməyənlərdən gəlir”
Madrid “Real”ının yeni baş məşqçisi Alvaro Arbeloa azarkeşlərin klub prezidenti Florentino Peresə etirazını şərh edib.
Sportlife.az xəbər verir ki, azarkeşlər La Liqanın 20-ci turunda “Santyago Bernabeu” “Levante” ilə keçirilən matçda klub rəhbərliyini istefaya səsləyiblər:
Arbeloa 2:0 hesabı ilə qalib gəldikləri oyundan sonra keçirilən mətbuat konfransında fanatların etirazı ilə bağlı deyib: "Bu səs-küy Florentinonu sevməyənlərdən deyil, “Real”ı sevməyənlərdən gəlir. Onun klub tarixində rolu Santyaqo Bernabeu ilə bərabərdir. Bizim üçün böyük şansdır ki, o prezidentdir” deyə Arbeloa bildirib.
Qeyd edək ki, Florentino Peres 2000‑2006-cı illərdə və 2009-cu ildən bu yana “Real”a rəhbərlik edir. Komanda son vaxtlar uğursuz nəticələr göstərir. "Real" yanvarın 11-də İspaniya Superkubokunun finalında "Barselona”ya (2:3) uduzub, yanvarın 14-də isə “Albasete”yə (2:3) məğlub olaraq İspaniya kubokunda mübarizəni erkən dayandırıb.
