1 May 2023, 10:02

Bolqarıstanın Sofiya şəhərində keçirilən taekvondo üzrə klublararası Avropa çempionatında Azərbaycan idmançıları 6 medal qazanıblar.

Sportlife.az xəbər verir ki, Qaşım Maqomedov və Minayə Əkbərova (hər ikisi "Gilan" İK) qızıl, Səlimə Quliyeva ("Alpman" TK) gümüş, Nicat İsmayılzadə ("DGK" İSM), Yaşar Məmmədli və Taleh Süleymanov (hər ikisi "Gilan" İK) bürünc medala sahib olublar.

Ümumi komanda hesabında isə "Gilan" İK üçüncü yerə layiq görülüb.